HVAÐ BER AÐ HAFA Í HUGA VIÐ VAL Á DRÁTTARKRÓK?
Við komumst að því hversu mikilvægur aukabúnaður dráttarbeisli og dráttarkúla er, þegar það reynist nauðsynlegt að draga annan bíl eða tengja eftirvagn. En hvernig er best að fara að því að velja þennan mikilvæga aukahlut fyrir bílinn okkar og hverju skal veita sérstaka eftirtekt við kaupin?
Dráttarkrókur og útlit bílsins:
Margir ökumenn gera sér grein fyrir hversu mikilvægur dráttarbúnaðurinn er en setja hann vísvitandi ekki upp því þeir óttast um að bíllinn glati sjarma sínum. Sem betur fer bjóðum við upp á margar gerðir sem einkennast af fallegri hönnun og það sem meira er hafa sumir þeirra kúlu sem hægt er að skrúfa eða smella af eða það er hægt að brjóta þá auðveldlega saman svo þeir standi ekki út fyrir stuðarann þegar keyrt er dagsdaglega.
Val á dráttarbúnaði – hvað ber fyrst og fremst að hafa í huga?
Útlit bílsins eftir uppsetningu dráttarkróks og hvort að auðvelt sé að nota hann eru mjög mikilvægir þættir. En þegar við ákveðum hvað skal kaupa þarf að hafa fleiri atriði í huga. Semsagt, hverju ættum við fyrst að gefa gaum?
– Bíltegund – Við veljum annarskonar dráttarbúnað fyrir Ford heldur en fyrir Volkswagen og enn annan fyrir BMW. Festing beislis og lögun búnaðar er oftast mismunandi milli bíla frá sama framleiðanda, hvað varðar uppsetningu og frágang. Þess vegna þarf að velja búnað sem hæfir tegund, gerð og árgerð.
– Drif – Bílar með fjórhjóladrifi þurfa að að nota króka sem eru sérhannaðir fyrir bíla með þannig drifi.
Af hverju er þetta mikilvægt? Í fyrsta lagi verða dráttarkrókar sem eru sérhannaðir fyrir tiltekna gerð örugglega auðveldari í uppsetningu. Í öðru lagi ætti öryggi að vera meginmarkmið okkar, sem aðeins viðurkenndur dráttarkrókur sem er sérsniðinn fyrir tiltekna bíltegund getur tryggt.
Tæknilegir eiginleikar – hvernig á að skilja þá?
Þegar dráttarkrókur er valinn þarf bæði að kynna sér tæknilýsingu hans og bílsins. Það gerir kleift að velja ákjósanlegustu gerðina sem mun standa undir væntingum okkar. Hvaða upplýsingar eru því mikilvægastar fyrir okkur?
– Hámarks leyfileg dráttargeta bíls og króks – Það sem dregið er ætti ekki að vega meira en 85% af massa bílsins okkar. Þetta gildi er eitt það mikilvægasta og takmarkar hversu mikið við getum dregið.
– Efni sem dráttarkrókur er gerður úr – venjulegt stál er mjög góð lausn en það þarf að hugsa mjög vel um það, þar sem það er viðkvæmara fyrir veðurskilyrðum og með tímanum getur það farið að ryðga. Þess vegna er án efa betra að velja galvaníserað stál sem þolir ryð og slæma veðráttu mun betur.
– Hámarks lóðrétt álag á kúlu dráttarkróksins – þegar bílnum er lagt veldur áfasti eftirvagninn lóðréttu álagi á kúlu dráttarkróksins. Ef að rangt er valið getur það leitt til þess að allt tengitækið og jafnvel sjálfur bíllinn skemmist.
– Gerðarviðurkenning dráttarbúnaðarins – Aðeins búnaður sem hlotið hefur gerðaviðurkenningu sem gildir fyrir viðkomandi land, er leyfður í umferðinni.
– Sérsniðin rafkerfi – allir eftirvagnar verða að hafa eigin, virkan ljósabúnað. Því fylgir að við þurfum að útvega rafkerfi fyrir dráttarbúnaðinn okkar. Þegar rafkerfi er valið þarf að athuga fjölda pinna (til eru 7 pinna kerfi ætluð fyrir léttar kerrur og 13 pinna kerfi sem eru nauðsynleg þegar þarf að draga þyngri eftirvagna eða hjólhýsi.
Val á viðeigandi dráttarbúnaði er því kannski hvorki fljótlegt né einfalt en með því að vanda til verka og velja rétt, er hægt að koma í veg fyrir mörg vandamál og hættuleg atvik í umferðinni.
Um þetta gildir Reglugerð 822/2004 Þetta eru aðeins almennar leiðbeiningar, óformlega þýddar og birtar án ábyrgðar.
